Zespół Szkolno-Przedszkolny nr 1 w Rudzie Śl.

"Mój dzień w szkole"

Podczas obchodów 120-lecia szkoły odbył się konkurs literacki "Mój dzień w szkole". Uczniowie pisali swoje wypowiedzi które na końcu sprawdziła komisja konkursowa. Laureatem został Marek Kapłanek z klasy V, który napisał gwarą o swoim dniu w szkole. Gratulujemy i życzymy dalszych sukcesów. W dalszej części artykułu prezentujemy tekst Marka, który wygrał konkurs.

"Mój dziyń w szkole"

Jeżech Marek i chca Wom trocha pedzieć o moi gryfny szkole kaj łajża. Mieszkom w Rudzie kaj dziołchy i chopcy szwandrolom po ślonsku. Moja cołko familyjo godo po ślonsku no i jo tyż. Jeżech trocha miglanc i trocha chachor no jak to synek ale jeżech gryfny (tak mi wszyscy godajom). Łajża do pionty klasy tam belfry chciom mie czegoś nauczyć, no ale jo ze wszystkich lekcji nojbardzi kochom gimnastyka. Matma to wiadomo prostokonty i kwadraty a jo nojbardzi lubia koła, bo bala jest okrągło i ino jom mom w gowie. Jak siedza w klasie to ino myśla kiedy bydzie gimnastyka, kaj sie charatna w gała z moimi kamratami. Jeszcze ino pora minut i już przebleczony żech jest, no bo do bale to trza mieć odpowiednie obleczynie, bez korków sie niy obyda bo co to za fusbal bez dobrych szczewików na szłapach. Momy cołkym gryfnego i szwarnego chopa z gimnastyki. Najprzód korze nom lotać wedle boiska żeby my trocha rozruszali sie, no a potym to co kochomy. Najprzód welujemy na siła czyli wybieromy składy. Jo jest na ataku bo fest mie cieszy jak moga strzelić gola. Lotomy za tom balom cołko lekcja i nawet nie wiem kiedy tyn czas mijo. No a potym koniec przyjemności idymy na polok. A tam noszo babka ganz cołko lekcja godo nom o lekturach, a jo myśla se czymu nie ma lektur o fusbalu to bym je wszystkie przeczytoł. No i teraz jo... myślołch o niebieskich migdałach a terozki nie wiem co mom pani belfer odpowiedzieć no i zajś kapa żech chycioł. Muter zaś bydzie mi mruczeć nad uchym, żech zamiast o lekcjach to o gupotach myśla. Ale przeca fusbal to nie gupota, ale moja muter to nie chop i nie rozumi. Po poloku idymy na mata a tam pieronie pola figur obliczomy, a jo zaś myśla o kole a nie o prostokontach. Musza sie skupić bo jak zaś dostana pała to matka herzszlak dostanie. No i dzwonek to co mie wybawio od odpowiedzi. Jak jest dugo przerwa idymy jeść, a tam czasem niezłe harce i swawole sie dziejom. No bo wiadomo chopcy lubiom pozgobić, ugadujymy sie kto z kim gro i na jaki pozycji bydzie grać. No a teraz historia, fajnie by było uczyć się o fusbalerach ale tak dobrze nie ma. Koniec lekcji. W sumie to boł fajny dzyń jakby niy ta pała, ale grali my we fusbal i to sie liczy. A muter wezma zaś na gryfne ślepia i niy bydzie na mie nerwowo bo co tam jedna pała jak żech dwie budy szczeloł. To tyla co chioł żech Wom pedzieć moi roztomili o tym jak to u mie w szkole wyglondo.

Pyrsk,

Marek Kapłanek kl.V